Блеснете во стилот на Оскар Де Ла Рента

Меѓу големиот број на модни претставувања, шоуто на Оскар де ла Рента привлече најголемо внимание. Неговата колекција за следната пролет е составена од гламурозни и романтични креации.

На почетокот на колекцијата биле изложени голем број на класични здолништа, блејзери и плисирани пантолани во силни есенски бои, кои подоцна преминаа во неутрални бои.  50тите години беа присутни преку пастелните макси здолништата украсени со црни апликации и појаси со големи токи.

Кога станува збор за материјалите и шарите, белата и црната чипка е материјалот на целото шоу на Оскар де ла Рента. Блејзери и наметки украсени со чипкани детали, нараквици направени од различни видови чипка, па дури и накит во истиот стил.

Чантите на оваа ревија беа со големина и стил која варираше. Од едноставни мали чанти, се до големи, максимално украсени модели.

Чевлите од оваа колекција привлекоа најголемо внимание. Цветните дезени и лакованите високи потпетици изгледаат навистина свежо и интересно. Освен класичната црна и крем боја, светло сините и смарагд зелените тонови привлекоа голем број на погледи.