Инспирирани зимски модни комбинации

Блејк Лајвли, која е одбрана за една од најдобро облечените жени во 2012та, нека биде вашата инспирација за овие ниски температури.

Доколку сакате да постигнете секси, заводлив изглед во зимските денови испробајте некои од нејзините омилени комбинации.

Тесните панталони комбинирајте ги со едноставни маици и џемпери, меѓутоа не штедете кога станува збор за наметката и чизмите.

Уникатните сакоа, пелерини и капути се задолжителни без разлика дали се работи за дневни или вечерни комбинации.

Кратките туники и зимски фустани секогаш носете ги со темни хулахопки, високи чизми до колениците или пак впечатливи високи потпетици.

Не ги заборавајте големите чанти кои може да бидат во сосема различна боја, како и големите шалови и марами.

Доколку сте љубител на впечатливиот накит, никако не се одвојувајте од него. Едни од омилените додатоци на Блејк се токму големите масивни ланчиња.

Погледнете неколку нејзини модни комбинации, а потоа вашите парчиња облека приспособете ги во некоја слична, која најмногу ќе ви се допадне.