Каква боја облека најдобро стои на вашиот тен?

Од прилика, можете да процените кои бои одговараат на вашиот тен и ги истакнуваат вашите квалитети, а кои не. Изборот на боја за вашата гардероба станува полесен со неколку правила.

За почеток, одредете во која категорија спаѓате – топла, ладна или неутрална. Својот тип на тен можете да го оцените според доминантните нијанси на вашата кожа:

Ладен тен – блед тен, розови и црвени нијанси.

Топол тен – кафени, златни, жолти и нијанси со бојата на медот

Неутрален тен – мешавина од двата типа погоре

Ако имате потешкотии при одредувањето, под природно светло погледнете ја бојата на вашите вени. Ако е зеленкаста, припаѓате на топол тен, ако изгледаат сино – ладен тен. Ако не можете да одредите – неутрален.

Идеални бои кои треба да ги носите:

Ладен тен – ладни бои, розова, сина, виолетова, зелена, пастелни нијанси, бордо, сребрена

Топол тен – топли бои – црвена, портокалова, жолта, темно кафена, златна, бакарна, маслинасто зелена, крем

Неутрален тен – на овој тен одговраат речиси сите бои, но генерално, најдобро стојат бледи и нежни нијанси комбинирани со длабоки и богати топли бои.