6 бои на чевли што ќе ги носиме оваа есен (фото)

Иако светлите нијанси како беж се попопуларни во потоплите месеци, можат да бидат вистинско освежување за есенските аутфити.

Секоја есен, темните нијанси, како црна и кафеава се класика.

Истото важи и оваа есен, но доста популарни се и други, „поживи“ бои кои можат да изгладат навистина добро со есенските аутфити.

Шест бои на чевли што ќе доминираат оваа есен:

Беж

Иако посветлите нијанси се попопуларни во потоплите месеци, чевлите со беж боја можат да изгледаат мошне добро со есенските аутфити.

Бидејќи во есен доминираат потемни бои, беж чевлите можат да ја освежат комбинацијата.

Исто така одлично изгледаат во комбинација со џемпери и мантили со посветла боја.

Дречливо црвена

Црвената е вистински хит оваа година, а во есенските месеци ќе доминираат дречливите нијанси на чевли.

Во комбинација со понеутрални бои, дречливо црвените чевли можат да изгледаат особено добро.

Темнокафеава

Оваа нијанса е класика за есенските месеци и лесно се комбинира со сите бои.

Убаво изгледа и на чевли со превртена кожа, кои се огромен хит.

Мат црна

Црните чевли можат да бидат основа на секој есенски аутфит. Но, оваа сезона многу популарни ќе бидат мат чевлите, за разлика од сјајните.

Чевлите со мат црна боја изгледаат добро со други нијанси, а се мошне елегантни со целосно црни аутфити.

Зелена

Оваа есен ќе доминира уште една впечатлива нијанса.

Ќе бидат популарни и потемните нијанси на зелена, но за да му дадете свежина на аутфитот, слободно експериментирајте и со подречлива нијанса.

Бордо

Ако дречливата црвена не е за вас, секогаш можете да ѝ дадете шанса на бордо нијансата.

Бордо чевлите лесно ќе ги искомбинирате со сите есенски нијанси.

Спирова С. | Црнобело