Жолто... и почнува пролетта!

Квадрати на облеката, обувките и чантите! Колку поголеми, толку поубаво! Пробајте, ако имате среќа да најдете вакви материјали, ќе бидете облечени по последна мода.

Париската недела на модата со колекцијата пролет/лето 2013 заврши со шест минутна ревија на „Луj Витон“. Погледнете ги најубавите модели.

Иако кратка, ревијата на „Луј Витон“ е освежувачка и впечатлива, а моделите ги креирал Марк Џејкобс инспириран со делата на апстрактниот уметник Даниел Бурен.

Мини, миди, макси
Колекцијата ја карактеризираат јакни без јаки, пенсил здолништа и трапез палта. Сите модели се изработени во три должини – кратки, под колена и долги. Основа се квадратите во жолта, црна и боја на ѓумбир комбинирани со бела боја.

Романтично и ретро
Мал дел од колекцијата е украсен со апстрактни мотиви од флората во жолта, беж и зелена боја.