Медени маски за лице

Медот изобилува со корисни состојки и ја прави вашата кожа неверојатно убава, нежна и здрава. Испробајте ги маските за лице со мед, домашно приготвени и нема да погрешите.

Додека ги нанесувате медените маски избегнувајте го пределот околу очите, кој може да го заштитите со крукчиња свежа краставица.

Она што е доста важно да го знаете, кога станува збор за медот е никогаш да не го зимате од тегла со метална лажица. Со самиот допир на медот и лажицата, доаѓа до јонизација и дел од металните честички се спојуваат со медот и се внесуваат во организмот. Затоа, за да ја избегнете можната штета, користете пластична или дрвена лажица.

За пилинг на лицето помешајте една супена лажица мед и половина шолја овесна каша, мелени бадеми и малку јаболков оцет. Навлажнете го лицето со мек пешкир, а потоа нанесете ја смесата. Кога смесата ќе се исуши, отстранете ја со истиот мек пешкир.

Направете маска за лице од мед и павлака. Промешајте ги овие две состојки рамномерно и нанесете ги на чисто лице. По 15 минути исплакнете со млака вода.

Сувата кожа која е склона кон лупење одлично е да ја лечите со маслиново масло и мед. Промешајте една лажица мед и една лажица масло и нанесете на чисто лице. Исплакнете  со млака вода по 20 минути.

Кожата која е склона кон создавање на акни ќе ја исчистите со банана и мед. Добро изгмечете половина банана и додадете една лажица мед. Нанесете ја маската и оставете ја да делува повеќе од 20 минути. Вашата кожа ќе добие неверојатен сјај.

За да ги избегнете сезонските пеги или депигментацијата, измешајте една матена белка со малку лимонов сок и една лажичка мед.