Најчести машки модни грешки кои по секоја цена треба да ги избегнете

Мажи, во неколку едноставни чекори избегнете ги најчестите летни модни грешки и обидете се да исфрлите од гардероберот сè што ќе прочитате во продолжение.

Прекратки панталони

Машките нозе не се создадени за да бидат 90% откриени, напротив. Доволно кратки се шорцевите неколку сантиметри над колениците. 20 сантиметри материјал плус нема да ве загреат дополнително, а ќе изгледате многу поелегантно и мажествено.

Претесни кошули

Струкираните кошули се сосема во ред, но не и оние кои постојано ви се откопчуваат. Колку и да сте во форма, тесните кошули ќе ве направат да изгледате како едвај да дишете. Затоа одбирајте добро скроени кошули, со точен број.

Маички со длабок V израз

Деколтето оставете им го на жените, а вие уживајте во едноставните полукружни отвори на маиците. Секогаш е подобро да одберете ленена кошула за на плажа која ќе ја откопчате за едно копче плус, отколку да облечете длабок V израз.

Кожни папучи

Папучите со дебели ремчиња и чудни плетки веќе одамна требаше да ги фрлите. За лето доволни ви се еден пар апостолки, мокасинки или летни затворени еспадрили.

Смешни аксесоари

Разделете ги аксесоарите на летни и зимски, ако веќе ги носите. Марамите нека останат на некоја зимска полица, а во преден план извадете ги исклучиво очилата за сонце, квалитетниот часовник и сламените шешири. Во лето подобро изгледате со помалку додатоци на вас. Негувајте ја машката едноставност!