Сакате ли голем секси задник?

Да се има голем секси задник не е воопшто тешко како што мислите.

Многу мажи сонуваат жени со задникот на Џеј Ло или Ким Кардашијан, а и многу жени сакаат да го имаат на себе. И покрај тоа што повеќето веруваат дека се работи за генетски предиспозиции и дека нема шанси да имаат таков задник, се лажат. Постојат одлични вежби кои ако редовно и напорно ги практикувате, задникот на Џеј Ло ќе биде и на вашето тело.

Не се изненадувајте што вежбите се главно фокусирани на нозете, бидејќи тие го имаат најголемото индиректно влијание на задникот, а истовремено добивате целосно затегнување и одлична форма.

Клекнувања

Вежбите помагаат за да ги дефинирате нозете, бутовите и колковите. За најдобро да ги правите вежбите со клекнување мора да го поставите телото на средина, под шипката со тегови, да го истегнете грбот и да ја исправите главата. Полека кревајте се нагоре и клекнувајте во позиција како да треба да седнете. Стапалата поставете ги паралелно. Пробајте да направите серија од 10 до 15 клекнувања. Не претерувајте наеднаш. Целта е да ги дефинирате, а не да ги воспалите мускулите.

Ѕидно столче

Позиционирајте го телото спроти ѕидот прекрстете ги рацете и обидете се да седнете. Задржете се во таа позиција додека не почувствувате дека ви откажуваат нозете. Треба да направите најмалку три вакви серии.

Чекори

Оваа вежба е комбинација меѓу ѕидното столче и движењето со чучнување. Може да се задржите во клекната позиција и да ги менувате нозете како кога одите. Стапнете со едната нога, спуштете го телото, а главата држете ја исправено. Зацврстете ги колената додека задниот дел на нозете ви се во едно место на подот. Менувајте ги наизменично нозете. Треба да направите барем три серии со повторувања од 8 до 12 пати.

Превиткани нозе

Ако сте во сала за вежбање, сигурно ќе најдете различни справи за вежби на нозете, меѓу кои и онаа за вежби со превиткување на нозете. Легнете на стомак и со нозете поткревајте ги теговите на справата, така што ќе ги превиткувате нагоре. Веднаш ќе почувствувате како ви се затегнува задникот.

Истегнати нозе

Вежбите за нозе индиректно влијаат во затегнувањето на задникот. Особено вежбите за истегнување на нозете, исто како и вежбите со превиткување на нозете ако ги практикувате од 60 до 90 минути, секојдневно, ефектот е неизбежен.

Степери

За ова немате потреба да одите во сала за вежбање. Сè што ви е потребно се скали по кои ќе се качувате, а со тоа активирате повеќе мускули, особено оние на задникот, а истовремено правите и одлични кардио вежби.