Направете сами: Машнички како моден додаток

Машничките се еден од трендовите оваа есен. Може да се користат и како моден додаток, како вратоврски, привезоци или како украси на честитки и подароци.

Ви прикажуваме неколку начини за да си направите интересни машнички и да бидете уникатни.

Шнола – машничка

• Земете поцврст материјал со боја и дезен какви што сакате вие
• Исечете две пошироки правоаголни парчиња околу 5 см од кои едно подолго (10 см) и едно пократко (7 см)
• Превиткајте ги од едниот до другиот крај
• Залепете ги со поцврсто лепило или сошијте ги
• Поставете ги едно врз друго, така што помалото да биде врз поголемото и така залепете ги
• Од задната страна додадете им мало чешле од некоја стара шнола
• Може да додадете и некој брош или да ви биде едноставна секојдневна шнола која ќе ви одговара со некоја комбинација на облека
  
  

Украсна машничка со помош на виљушка

• Земете две тенки ленти со поголема должина и една виљушка
• Едната лента премотувајте ја наизменично низ запците на виљушката
• Со втората лента врзете ја претходната попреку  како што е изврзана на виљушката за да ја зацврстите нејзината форма
• Ќе добиете интересна машничка која може да ја искористите како украс или привезок.