Моден предлог: Црни фустанчиња

Префинетоста и елеганцијата на женскиот црн фустан е надалеку позната, па не е ни чудо што секоја жена поседува по барем еден.

Но, како да го одберете оној кој најдобро ја истакнува вашата фигура?

Ако сакате да ги истакнете рацете - Побарајте асиметрични модели, без раменици или со кратки ракави.

Всушност, секој модел без ракави визуелно ги здебелува рацете. Одличен избор ако имате природно тенки раце.

Ако сакате да ги истакнете нозете - Треба да одберете кратки модели или пак нешто над колениците, кои суптилно ги нагласуваат голите нозе.

Ако сакате да го истакнете грбот - Бирајте модели со елементи и декорации кои се гледаат ретко - копчиња, тантела или пак само длабоко отворен грб.

Ако сакате да го нагласите струкот - Одберете впечатливи траки, украси и колани. Широките фустани кои се стеснети само околу струкот се одличен избор.

Ако сакате да го истакнете задникот - Фустаните кои имаат детали на колковите ќе привлечат внимание. За впечатлив задник одбирајте модели со должина под колената, но без длабоко деколте.

Ако сакате да ги истакнете градите - Моделите со длабоко деколте и посебни детали во пределот на градите се идеални за оваа намена. Набори, асиметрично деколте, тантела, впечатливи детали и материјали е само дел од она што можете да одберете.