MANGO ревија пролет/лето 2015 080 Барселона

Барселона, 3 февруари 2015 – MANGO презентираше дел од новата колекција на петнаесетото издание на модното шоу 080. Над 800 гости присуствуваа на ревијата, која се одржа во впечатливиот Морски Музеј во Барселона.

Инспирацијата од 70-тите години беше очигледна кај сите парчиња од колекцијата за пролет/лето 2015. Претставени беа околу 35 женски и 15 машки комбинации во елегантен, но младешки стил на хипи ерата.

Кај женските модели, забележително беше присуството на чипка, везови, шифон, превртена кожа и провидни материјли. Долгите здолништа и фустани и едноставните и дезенирани кимоно кошули ја доловуваат лежереноста на колекцијата за оваа сезона.

Свежината на ова модно претставување беше дополнета со машките модели кои исто така во себе го носат боемскиот дух на 70-тите. Тексасот доминираше во комбинација со маици со принтови и кожни јакни.

Настанот беше проследен од страна на голем број интернационални и локални ѕвезди, меѓу кои беше секогаш шармантната Надја Ауерман, која изјави:

„Особено сум возбудена за ова модно шоу. Ја сакам Барселона и MANGO како модерен бренд. Колекцијата оваа сезона е со хипи инспирација, а јас некогаш бев хипи девојка, такашто навистина ја обожавам!“

Уште  едно впечатливо лице кое ја проследи ревијата беше Elettra Widermann, ќерка на Isabella Rossellini и внука на извонредната Ingrid Bergman.

Таа коментираше за соработката со MANGO:

„Отсекогаш сакав да работам со MANGO, а ова е веќе седма или осма соработка со брендот.  Како модели не секогаш имаме можност да создадеме поблизок однос со брендовите за кои работиме, но јас секогаш се чувствувам среќно при средбите и работењето со MANGO фамилијата.“

• 
• 
• 
• 
• 
• 
• 
• 
• 
• 
• 
•