Прирачник со трикови: Како да одберете чевли во кои нозете нема да ве болат?

Да најдете убави и удобни чевли е најголемиот предизвик, посебно ако сте жена.

Пред да ја посетите омилената продавница за чевли, мора да одлучите какви чевли барате, па дури потоа да го следите овој прирачник кој ќе ви открие - како да одберете чевли во кои нозете нема да ве болат и отекуваат?

1. Проверете го секој милиметар. Чевлите кои ќе ги купите мора да се виткаат доволно за да ви обезбедат удобен чекор, но и доволно брзо да се враќаат во првобитната форма, како би ви ја одржале ногата стабилна.

2. Пробајте неколку броеви. Ако носите 37 не значи дека сите 37-ци се исти. Пробајте и 36 и 38. Ништо не губите, освен 3 минути.

3. Ако купувате штикли, задолжително превиткајте го делот кај прстите. Треба да може да го свиткате лесно, но и брзо да се исправи. Вака ќе заштедите многу нерви во нозете, а и ќе се поштедите од болки.

4. Не купувајте чевли во кои ногата ви оди „надолу“.

5. Правилно време за купување чевли е попладне. Кога нозете ви се малку потечени, подобро е да купите половина број поширок модел. Ако купувате чевли наутро, ризикувате до вечерта да ви станат мали, па нозете лесно да ви отечат во нив.

6. Проверете ја внатрешноста на чевлите со рака. Треба да се меки и без испакнатини.

7. Кога пробувате чевли, одете на тврда површина. Не ги пробувајте врз тепих, така имате лажна претстава дека се поудобни и помеки.

8. Мора да запаметите дека должината и ширината на стапалото се менува, па секои 2 години треба да ги менувате чевлите. Посебно ако купувате чевли од синтетички материјали и понизок квалитет.

М. Д. | Црнобело