4 совети од Французинките како да изгледате секси и заводливо

Зимата е во полн ек, а вие сакате да го издефинирате својот стил!? Дефинитивно нема да погрешите доколку црпите инспирација од божиците на модата - Французинките! Впрочем доволно е само да ги погледнете и веднаш знаете што е шик за оваа сезона.

Сепак нивните совети се секогаш брзи и едноставни и што е најважно лесно применливи.

Доколку сакате да се облекувате шик и заводливо, еве што ве советуваат Французинките:

Смокингот е секогаш во мода

Веројатно ќе се согласите дека нема ништо посекси од девојка која носи сако.

Женскиот смокинг во модната индустрија прв го вовел модниот креатор Ив Сен Лоран уште во 60-тите години и според Французинките ова парче облека е секогаш на врвот на модната сцена.

Помалку значи повеќе

Речиси секогаш најголем впечаток оставаат малите парчиња облека. Па, не морате многу да комплицирате при изборот, кусо здолниште секогаш може да заврши одлична работа кога е во прашање првиот впечаток.

Сепак Французинките советуваат кусото здолниште да оди во комбинација со ролка, затоа што „помалку“ не значи и „ништо“.

Рамните чевли се вашиот најдобар пријател

Верувале или не, рамните чевли се првиот избор на Французинките, не само заради својот конвенционален практичен изглед, туку и поради удобноста.

Секоја жена која што се чувствува удобно во она што го носи на себе зрачи со сексапил и самодоверба.

Додадете примамлив детаљ

И најобичната ролка може да изгледа супер во комбинација со креативно изработено ланче или чанта со метално ремче преку вашето рамо.

Одберете детаљ кој ќе ви помогне да го истакнете својот стил на еден сосема поинаков начин.

С. У. | Црнобело