Моден експерт открива: Додатоци кои постојано ги купувате, а не треба

Сигурно често ви се случува да излезете низ трговските центри и да завршите со неколку парчиња облека, кои воопшто не ви биле неопходни.

Или пак, кога ќе стигнете дома, сфаќате дека немате со што да ги комбинирате и дека не ви стојат толку добро како на огледалото во бутикот.

Па така, честопати, иако знаеме дека е грешка, продолжуваме да купуваме некои работи кои не ни се толку потребни или уште полошо, за цел да се следат модните трендови.

На оваа тема советува модниот експерт Michael St. Michael, па погледнете според него, кои се модните парчиња кои не треба да ги купувате постојано:

Очила за сонце со големи рамки

„Веќе не е шик да се криете зад очилата со големи рамки. Сега сè се врти околу тенките рамки (од ’90-ите).“

Животинско крзно

Додека вештачкото крзно е донекаде во ред и прифатливо, стилистот советува да се држите настрана од било што, што е направено од вистинско животинско крзно.

„Нема исклучок за ова правило. Вистинското крзно е ужасно и злобно да се носи. Одберете вештачко.“

Дизајнерски маички

Експертот советува дека нема поента да трошите богатство на обична маичка со дизајнерски потпис, кога истата може да се најде за поевтино.

„Нема потреба да плаќате толку пари за обична бела маичка. Тоа е неразумно.“

Дизајнерски еспадрили

„Во минатото еспадрилите биле правени за една употреба, па е целосно апсурдно да потрошите брдо пари за дизајнерски еспадрили. Главниот елемент е долниот плетен дел, кој без разлика кој го правел, секако ќе се уништи.“

Синтетички материјали

Кога купувате облека многу е важно да го процените материјалот од кој е направена.

„Не само што синтетичките, пластични материјали се штетни за здравјето бидејќи се направени од токсични хемикалии, туку се ужасни и за околината.“

Мрежа

Иако многумина, посебно модните блогерки се заљубени во мрежастите детали, сепак експертот советува дека е грешка да го купите.

„Има исклучок – добро е за забава и за маскирање“ – вели тој.

Мала штикличка

„Тие едвај може да се наречат штикли. Подобро купете си балетанки.“

М. М. | Црнобело