6 знаци дека е време итно да ја освежите гардеробата

Дали сте една од оние жени кои со години не го менува имиџот и во гардероберот имате тон стари парчиња облека што не ги користите?

Обично на жените не им е потребна мотивација за шопинг и тоа го прават дури во прекумерни дози.

Сепак, ако сте од оние кои не се толку заразени со оваа навика можеби е време да појдете на шопинг и да го подновите вашиот гардеробер со неколку нови парчиња.

Сигнали кои посочуваат дека е време за тоа:

Со години имате ист имиџ и не експериментирате

Ако истата фризура и облека ја имавте на факултет, на првото работно место и по венчавката, време е за нов стил. Бидете похрабри со промените.

Не сакате да ве фотографираат цели

Ако се плашите од ова, тогаш треба да го обновите плакарот со некои парчиња во кои се чувствувате самоуверено и комфорно.

Гардероберот ви е полн со парчиња облека од баба ви

Да, модата се враќа и некои парчиња облека од времето на баба ви сега се ИН, но тоа не значи дека гардероберот треба да ви биде преполн со застарени работи, кои само ви прават нервоза.

Правете генералка на плакарот на секои 6 месеци и од него фрлете сè што не ви носи радост. Кога ќе ослободите простор ќе бидете поинспирирани да одите на шопинг.

Чувате облека што не е соодветна за вашите години

Имате повеќе од 30 години и 2 деца, а гардероберот ви е преполн со куси здолништа. Време е се ослободите од парчињата кои ви беа хит во 20-тите и да си купите нешто посоодветно како миди здолниште, деловен костим или коктел фустан.

Имате облека несоодветна за вашата социјална улога

Можеби бевте деловна жена со години, но сега сте мајка, па време е да си купите полежерни парчиња за секојдневните активности со вашето новороденче.

Истото важи и во обратна насока, односно по враќањето од породилно отсуство. Подновете се со нешто деловно.

Парчињата облека не ве прикажуваат како самоуверена жена

Во една пригода Викторија Бекам вели дека секси корсетите во кои се стегала во младоста само покажувале колку немала самодоверба во себе и колку ѝ била потребна потврда од страна на околината.

Сега, таа знае дека не мора да носи некомфорна облека за да изгледа привлечно и самоуверено.

С. С. | Црнобело