Фенси на ниски температури: Како да носите мини фустанчиња во есен?

Со почетокот на студеното време, не е неопходно да се збогувате со омилените куси парчиња. Напротив. Тие ќе бидат вистински хит тековната сезона.

Дизајнерите годинава се инспиририрани од модата на ’90-тите, па сугерираат да одберете ултра секси мини фустани.

Но, како да изгледате фенси, спектакуларно и тренди, без да „премрзнете“ на сè пониските температури?

Ова се петте начини на кои може да носите мини фустанче во есен:

1. Со јакна...

Ако вам омилен стил ви е кежуал варијантата, добредојдена е кожената јакна.

Таа се комбинира со речиси сите парчиња облека, а ни краткиот фустан не е исклучок. Модерни алтернативи ќе бидат бомбер и тексас јакните.

2. Со топол џемпер...

Големите плетени парчиња се хит на сезоната. Се прашувате како да го вклопите топлиот џемпер со мини фустанче?

Постојат мноштво варијации на оваа тема. Од откопчан кардиган, па до здолниште кое само се наѕира под масивниот пуловер.

3. Во плетена варијанта...

Најактуелниот мини фустан за есен е плетениот модел.

Прво е топол. Второ е удобен. А, трето – мошне е модерен.

4. Со мантил...

Есента не може да се замисли без класичниот мантил.

Иако може да се носи со буквално сè, комбинацијата со мини фустан е сепак најспектакуларна.

5. Со чизми...

Спојот на мини фустан и чизми им е омилен на мноштво девојки. Вака неретко се облекуваат познатите модни блогерки и ѕвезди од шоу бизнисот. 

Доколку и вие се решите за оваа комбинација, фокусирајте се на моделите со долги ракави.

М. А. | Црнобело