„Совршена“ фризура, лакирани чевли - Модни грешки што прават да изгледате постаро

Светло црвен или темен лак за нокти

Можеби со години црвениот лак за нокти се смета за класика, но овие нијанси само ги нагласуваат несовршеностите на дланките.

Истото важи и за темните тонови.

Ако сакате да ги лакирате ноктите, најдобро е да одбирате пастелни и неутрални бои. Ако сакате декорации на ноктите, геометриските форми се секогаш добар избор. Само, немојте да ги украсувате сите нокти.

Маички со натписи

Облеката е одличен начин да се искажете себеси, но кога станува збор за маици со натпис, бидете внимателни.

Ако, на пример, купите блуза на која со огромни букви е испишано името на брендот, сигурно ќе изгледате како подвижна реклама.

Пресериозен стил

Формалната облека е одлична за на работа, состанок и слични професионални активности. Но, во секојдневието, нема потреба да бидете спакувани во „сериозен“ костим.

Слободно одберете посветла облека, а ако сакате да носите костим, можете да го комбинирате и со патики.

Хулахопки со боја на кожа

Многу жени купуваат хулахопки со потемна нијанса од онаа на нивната кожа. Но, ова ќе направи вашите нозе да изгледаат неприродно и може да ја уништи и најдобрата модна комбинација.

Од друга страна, никогаш нема да погрешите со црни хулахопки, без разлика дали се еднобојни или со суптилни дезени.

Прекратка коса

Велат дека кратката коса подмладува, но ако претерате, можете да го постигнете спротивниот ефект.

Асиметричните фризури изгледаат многу подобро и се многу полесни за одржување.

Спирова С. | Црнобело