Французинки, Италијанки: Тајната на стилот на жените низ земјите во светот

Кои се омилените модни парчиња на Французинките? Кои трендови ги мразат Италијанките? Каков е стилот на Јапонките?

Како за речиси сè во светот, и за модата постојат бројни стереотипи – во Германија со носат само костуми, беретките се задолжителни во Франција, Италијанците сакаат само брендирана облека…

Сигурно сте слушнале безброј вакви работи, од кои повеќето немаат никаква врска со реалноста.

Па тогаш, како се облекуваат жените од целиот свет? Можете да дознаете во продолжение:

Франција

Французинките секогаш изгледаат женствено, а црвениот кармин и квалитетниот парфем се дел од нивното секојдневие.

Сепак, на овие жени им е важна и удобноста, па често ќе ги видите со широки џемпери или поголемо сако. Истовремено, тие го ценат природниот изглед, па наместо градници со корпи, одбираат поедноставни модели, кои само даваат потпора и не го менуваат изгледот на градите.

Не трошат многу време на комплицирани фризури, а истото важи и за шминката – што помалку, тоа подобро.

Во гардероберот на Французинките ретко ќе најдете брендирана облека со огромно лого или непотребен луксуз.

Германија

Малку се зборува за префинетиот вкус на модерните Германки, но и тие заслужуваат да бидат спомнати.

Како на Французинките, и нив им е најважна удобноста, па никогаш нема да купат неудобни чевли само затоа што се модерни. Кога имаат можност да носат фармерки или пошироки панталони – ја користат, најчесто во комбинација со интересна јакна или ролка.

Овие жени ги обожаваат и комбинезоните, а од обувки, најмногу носат патики или балетанки.

Германките не сакаат крзно, ниту пак луксузен накит со скапоцени камења.

Италија

Италијанките сакаат да изгледаат секси и успеваат во тоа без да бидат вулгарни.

Омилени им се чевлите со високи потпетици, а многу ги сакаат и принтовите, и акцентирањето со јаки бои.

Воглавно, Италијанките се облекуваат според нивната возраст – девојките носат поопуштена облека, додека жените обрнуваат повеќе внимание на елеганцијата.

Сепак, овде ретко ќе најдете жена во спортска облека, како хеланки, освен ако не вежба.

Продолжува на следната страница...