6 модни грешки со зимските аутифи кои не треба да ги правите (никогаш)

Во ред е љубовта кон XXL парчињата, но тоа не значи дека треба да изгледате како џиновска крзнена топка.

Ако не сакате вашите зимски стајлинзи да бидат уништени, тогаш треба да внимавате на некои модни грешки и да не ги правите (никогаш).

Најчестите зимски модни грешки на жените:

Ефект на „зелка“, односно несоодветно слоевито облекување

Не може да облечете и XXL јакна и масивен шал завиен неколкупати и џемпер што ѕирка оддолу, ќе изгледате несредено. Во ред е слоевитото облекување, но во вистинската доза.

Лошо калкулирање со димензиите

Прекуса јакна несоодветно искомбинирана со некој модел на фустан или со предолг џемпер знае да изгледа лошо.

Претерување со сексапилот

Во ред е да се прават жртви во име на убавината, но не толку буквално. Навистина нема потреба да мрзнете во тенки хулахопки на престуден ден. Не ни изгледа соодветно.

Кичести комбинации

На вас не може да ставите и крзно и впечатливи фармерки и впечатливи чевли и низа декоративни елементи. Колку е поедноставна комбинацијата, толку попрефинетo изгледа.

Здодевни комбинации

Ако е студено времето, не значи дека комбинациите мора да ви бидат секогаш монохроматски и здодевни. Слободно додадете боја, ќе бидете доза ведрина во сивиот ден.

Претерување со XXL парчињата

Во ред е љубовта кон XXL парчињата, но тоа не значи дека треба да изгледате како џиновска крзнена топка.

С. С. | Црнобело