Како да го изберете совршениот капут според вашиот стил и формата на вашето тело?

Ако имате облини, најдобро ќе ви стојат струкираните капути, а ако сте послаби, избегнувајте ги многу тесните модели.

Капутот е задолжително парче облека за зимските месеци, а бидејќи ќе треба да го комбинирате со многу парчиња, важно е да го одберете вистинскиот модел.

За ова треба да го земете предвид вашиот стил на облекување, но и обликот на вашето тело.

Како да го изберете совршениот капут?

За девојки и жени кои негуваат лежерен стил

Во овој случај најдобро е да купите долг, еднобоен капут без никакви детали бидејќи најлесно ќе го вклопите во вашите комбинации.

Одберете некоја неутрална боја која може да се вклопи во скоро секоја комбинација.

За девојки и жени со елегантен стил

Ако повеќето парчиња во вашиот гардеробер се елегантни и женствени, најлесно ќе ги комбинирате со долг еднобоен капут. Во потоплите денови, ќе изгледате одлично и со долг мантил.

За пониски девојки и жени

Дајте им предност на пократките, струкирани капути кои визуелно ќе ја издолжат вашата фигура.

Ако сакате модел со дезен, нека биде со помали шари и детали. Истото важи и за копчињата – избегнувајте капути со огромни копчиња.

За високи девојки и жени

Вам добро ќе ви стојат капути со секаква должина, но најдобро ќе изгледате со долги модели.

Кога купувате капут, само обрнете внимание на рамената – избегнувајте модели со многу широки и нагласени раменици.

За слабички девојки и жени

Избегнувајте модели кои се „залепени“ за телото. Многу подобро ќе ви стојат пошироки капути, или модели со широки раменици.

Продолжува на следната страница...