Еден модел на женски чевли кој ќе ја одбележи 2022 (фото)

Следејќи го стилот на познатите трендсетерки и модни блогерки, како и модната сцена и уличната мода, можеби сте забележале дека веќе неколку недели во нивните гардеробери доминира еден модел на чевли.

Станува збор за елегантни потпетици со отворен дел кај петата кои се со потпис на познатиот бренд Saint Laurent, а доаѓаат во шест комбинации во различни бои и материјали.

Се карактеризираат со метален шпиц кој на чевлите им дава модерен печат и покрај едноставниот, дури и ретро дизајн.

Овие сандали со ниски потпетици и ремен на петицата го добија името Веспер, а направени се или од лакирана кожа или од твид во црна, бела и црвена боја со сребрен, златен или црн металик горен дел.

Цената на Веспер моделот на чевли се движи од 745 до 795 долари, совршени како за секојдневни, лежерни комбинации, така и за вечерни, поформални комбинации.

Можат да се комбинираат со мини или миди кожено здолниште, тесни панталони или фармерки, интересни блузи и класични јакни, како и костуми од твид.

Можностите се многубројни, па не е ни чудо што шик штиклите Веспер ги освоија срцата на љубителите на модата.

Ова дефинитивно е модел на чевли што ќе го гледаме насекаде во 2022:

(О)Милена | Црнобело