Бизарните црвени чизми, кои станаа светски хит, ја насмеаја и Александра Шијакоска (фото)

Црвените чизми се џиновски и се провокација на светско ниво... Станаа вирален хит и експеримент дали луѓето ќе облечат апсолутно сè што е тренд. А луѓето? Веќе ги носат!

Чизмите „Big Red Boots“, креирани на шега од уметничкиот колектив во Њујорк „Mschf“ станаа провокација на светско ниво, како што беа крокс пред повеќе од 2 децении.

Цената им е околу 20.000 денари, имаат џиновска големина, а многумина коментираат дека прво треба да научите да одите во нив, па да ги носите.

Многумина ги споредуваат со домати, а првпат фотографии од нив во медиумите излегоа на 7-ми февруари.

Низ светот има шеги дека овие чизми се тест дали ние луѓето како тренд ќе прифатиме апсолутно сè и се своевиден социјален експеримент.

Сет Ролинс, е светски познат борач, со специфичен моден стил кој неодамна го видовме во вакви впечатливи црвени чизми, кои изгледаат навистина масивно, па дури и бизарно и токму поради тоа станаа хит на интернет.

Покрај него, во нив се појавија и некои модели.

Црвените хит чизми слатко ја насмеаја и нашата модна инфлуенсерка Александра Шијакоска, која ги сподели на својот Инстаграм профил.

Како изгледаат црвените хит чизми:

С. С. | Црнобело