Ја посетив Махо, популарна плажа до аеродром на Карибите - Постојано нè надлетуваа авиони, имаше огромни бранови

Во еден од баровите имаше табла со распоред на авионите и нивно слетување, за ништо да не се пропушти.

Додека бевме таму видовме околу десетина авиони, ама од малите. Немавме среќа да видиме голем патнички авион.

Иако беа од помалите, едномоторни авиони, сепак постои тој мал страв дека ќе те однесе!

А, за да го испочитуваме карипскиот дух, си купивме складни шарени кошули, кои се продаваат на секој агол од островот, а ние како бродски екипаж добивме и попуст.

Брановито море

Гледањето на авионите и подготвувањето за совршената фотка беа мошне интересни, но за мене поинтересни беа огромни бранови, па откако се изнасликав, остатокот од денот го поминав во вода.

Тешко ми беше само излегувањето, бидејќи брановите ме влечеа назад, па недела дена подоцна уште наоѓав песок во коса.

Малата плажа Махо покрај што е позната поради авионите, позната е и како сурферска дестинација, но ние немавме време, а јас ни храброст, да се качиме на даска.

Зип-лајн и поглед одгоре

Покрај плажата Махо, овде е супштањето со зип-лајн на висина од 320 метри, а должина од 854 метри. Спуштањето со The Flying Dutchman достигнува брзина од 90 километри на час.

Јас морам да си признаам дека не сум по „лудите“ спортови, па додека мојот сопруг се спушташе со зип-лајн, јас бев на плажа.

Според неговите зборови, „Ќе се каам, што сум толку плашлива“, бидејќи тоа било едно од најдобрите искуства за него.

Само гледајќи ги фотографиите ми беше страв, но морам да се сложам со него дека погледот од горе е фантастичен.

Повеќе фотографии од островот на следната страница...