9 најтопли европски дестинации што може да ги посетите и во зима

Кипар, Сплит, Крит... Кои европски дестинации може да ги посетите и во зима, за да уживате во благата клима, без да мора да се туркате со голем број туристи и да го избегнете метежот?

Кога кај нас температурите ќе се спуштат под нулата, многумина посакуваат да побегнат некаде каде што е потопло и каде што не мора да носите слоеви и слоеви облека за да се чувствувате пријатно.

Сите знаеме за прекуокеанските локации каде сега е топло како Австралија, Мексико или Тајланд, но кои места во Европа и во јануари се познати по пријатната температура и се идеални доколку сакате да побегнете од зимата и од студот?

Кои се најтоплите европски дестинации во јануари и февруари?

Малта: Просечна температура е 18 степени

Благодарение на благата медитеранска клима, во текот на денот температурите на островот се околу 18-19 степени Целзиусови.

Сепак, во текот на вечерните часови температурите опаѓаат за неколку степени, па добро би било со себе да спакувате и јакна.

Кипар: Просечна температура е 18 степени

Со оглед на тоа што се наоѓа релативно блиску до Македонија, Кипар во изминатите неколку години е мошне атрактивна дестинација за нашите туристи.

Температурите во јануари и во февруари се околу 18-19 степени, па иако не можете да се бањате, сепак можете да уживате во прошетките и посетите на значајните места.

Тенерифе, Шпанија: Просечна температура е 20 степени

Канарските Острови се една од најтоплите дестинации во Европа во текот на целата година, а особено во зимските месеци.

Одлична дестинација за сите оние што сакаат да побегнат од зимата на континентот и да уживаат во коктели покрај плажа или во прошетки на пријатна температура.

Анталија, Турција: Просечна температура е 16 степени

Уште една мошне популарна дестинација за туристите од Македонија во летниот период, а релативно топлото време во текот на зимските месеци, ја прави Анталија една од најпопуларните туристички дестинации и во зима.

Во овој период можете да ја избегнете гужвата и да уживате во прошетките, храната и топлата клима.

Сепак, имајте предвид дека навечер температурите знаат да опаднат, па добро е со себе да спакувате и јакна или потопла облека.

Продолжува на следната страница...