На семеен одмор со Ана од Битола во Анталија: „Морето е магија, Турците се љубезни, а ги посетивме турскиот Дизниленд и Аквариумот“

Така немате грижа за пари, јадете и пиете колку сакате и кога сакате, идеално е за семејство со деца бидејќи сите се сити и среќни, а притоа имате слободно време.

На крај сфаќате дека е поевтино отколку да плаќате сè одделно.

Покрај прекрасното сместување и уживањето на плажата, нашиот одмор го збогативме со неколку волшебни излети што ни ја исполнети душата со убавини, смеа, восхит, прекрасни фотографии и видеа.

Го посетивме Анталија Аквариум, еден од најголемите аквариуми во Европа – како да зачекоривме во друг свет. Прошетката низ стаклениот тунел опкружени со ајкули, тропски риби и живописен морски свет беше неверојатна.

Очите ни блескаа, а Лина беше воодушевена, посебно кога им даваше ракчиња на ражите и ги галеше истите. Како да бевме дел од подводна бајка.

Во музејот на восочни фигури, пак, како да се сретнавме со славните од блиску. Ликовите беа толку реални, што за миг забораваш дека се восочни.

Особено впечатлива беше средбата со Хари Потер – момент кој Лина ќе го памети засекогаш. Фотоапаратите работеа без престан.

Шетајќи низ старите улици на Kaleiçi, се чувствувавме како времето да застанало. Камени куќи со дрвени балкони, мали занаетчиски дуќанчиња и улична уметност го пренесуваат духот на некоја поинаква, посмирена епоха.

Се изгубивме во таа убавина – со мирис на историја и ехо од старите времиња.

Го посетивме и Водопадот Куршунлу – овој скриен бисер ни подари моменти на длабок мир.

Зеленилото, песната на птиците и шуштењето на водопадот создадоа чувство како да сме во рај. Прошетката по дрвените патеки и свежиот воздух ни беа вистинско полнење на батериите.

А за крај, вечерта во Земјата на Легендите (Land of Legends) беше како да зачекоривме во фантазија.

Сјајот на светлата, спектакуларната музика, лебдечките бродови и актерите во магични костими – сè изгледаше како сцена од филм.

Децата беа воодушевени, а ние како да повторно оживеавме детски сни. 

Продолжува на следната страница...