Плажа во Хрватска е вистински рај – скриена под карпа, со бесконечно синило и бистра вода

Нема да ја видите по пат, треба малку да се помачите за да стигнете до неа, но ќе ве воодушеви рајската убавина на оваа скриена плажа со совршено тиркизно море и кристално чиста вода, што ќе ви ги наполни очите со убавина. Која е оваа плажа во Хрватска и како се стига до неа?

Хрватска изобилува со прекрасни диви плажи со тиркизно море и бистра вода во која веднаш ќе посакате да нурнете.

Но, има една плажа за која не се зборува доволно колку што заслужува, но токму затоа е уште совршена.

Овој пат ве носиме на Истра, до местото Бршец, каде под камениот град, во карпа, е скриена плажата Кланчац.

Бршац е место со камени куќи, мирис на рузмарин во воздухот, мир кој само птиците го прекинуваат, а под него е најубавата плажа за која не ви е потребен филтер бидејќи е нереална дури и во живо.

Не постојат зборови кои можат доволно да ја опишат убавината на оваа плажа, посебно на морето, кое мора да го доживеете на сопствена кожа и да запливате во овие тиркизни води.

Бршац се наоѓа на 20-тина минути возење од Опатија, а за да стигнете до плажата ќе треба малку да се помачите – но дефинитивно вреди.

За да се спуштите до долу, треба да поминете низ малку стрмен пат, па најдобро е да носите удобни патики, но и вода.

Оние кои нема да се откажат, нема да зажалат кога ќе ја доживеат оваа убавина:

 

М. М. | Црнобело