Новогодишната магија во Париз започна – елката во Галерија Лафајет е како завиткан подарок (фото+видео)

Вчера блесна елката во Галеријата Лафајет во Париз и официјално започна божиќната сезона - оваа година елката е декорирана со светкави илустрирани панделки и изгледа како спакуван новогодишен подарок, а самата по себе е вистинско светлечко шоу. 

Веќе неколку години во Галеријата Лафајет нема вистинска елка, туку уметнички инсталации или елки направени од спирали кои дополнително се украсуваат.

На 12-ти ноември 2025, под куполата, на своето препознатливо место, блесна новогодишната елка со која започнува божиќната сезона во Париз.

Оваа година елката е украсена со огромен број илустрирани ленти и панделки дизајнирани од париска илустраторка која има работено со многу познати брендови.

@zozomccormack

the 2025 Galeries Lafayette Christmas Tree 🎄 one of the must-visit spots during Christmas in Paris is Galeries Lafayette Paris to see their 2025 Christmas Tree 😍 what do you think of the Galeries Lafayette Christmas Tree 2025? ✨ #christmasinparis #galerieslafayette #galerieslafayettechristmastree #galerieslafayetteparis #parischristmas

♬ Twinkling Lights (Reimagined) - Auni

16-метарската елка има уникатен изглед и делува како завиткан божиќен подарок, а самата по себе приредува вистинско светлечко шоу кое е атракција за минувачите и посетителите.

„Најубавата од сите елки. Под куполата, магијата повторно пристигна. Големото дрво, подготвено со илустрации и облечено во светкави панделки, е најубавиот подарок за крајот на годината“ – стои во официјалната објава на Инстаграм.

Традицијата на украсување на излозите и новогодишната елка трае од 1976-та година, а секоја зима тука почнува магијата и ова е местото каде се прават најубавите Инстаграм фотки.

Погледнете повеќе фотки и видеа:

М. М. | Црнобело