10 грешки што ви го испразнат паричникот (до последно евро) на патување на брегот Амалфи

Грешка и совет број 3: Обичен Aperol Spritz во нормален италијански бар чини 4 до 5 евра. Истиот пијалак, во истата чаша, на тераса во Поситано со поглед кон карпестите куќи, чини 16 до 22 евра. На Капри оди и до 30 евра. Ако сакате и поглед и добра цена, купете spritz во бар една улица подалеку од шеталиштето и прошетајте до видиковецот.  Ист поглед. Ист пијалак. Четвртина од сметката.

Дали сте слушнале и вие за луѓе кои планирале да заминат на патување на брегот Амалфи со одреден буџет, а потоа потрошиле двојно повеќе, затоа што таму се соочиле со вртоглаво високи суми?

Многу од туристите ги прават истите грешки.

Токму затоа на Фејсбук профилот „Heritance Italy“, кој го промовира туризмот во оваа држава, осамнаа совети како да заштедите при патувањето таму.

Пресметките се направени за пар и колку тој би заштедил ако не ги направи грешките.

А кои се грешките? Италијанците велат тоа се истите десет грешки секоја сезона: изнајмениот автомобил што никој не смее да го вози во август, spritz од 18 евра што можел да биде 4, хотелот што чини тројно повеќе само поради местоположбата, таксито во 21 часот, затоа што никој не го проверил распоредот на траектите, водата од 3 евра шише од трафика затоа што никој не им кажал за чешмите...

Кои се најчестите грешки и колку ги „чинат“ патниците:

Грешка 1

Слетувате на аеродромот во Неапол. Возач на такси веднаш ви нуди фиксна цена до хотелот, каде што сте сместени на брегот.

180 евра до Соренто. 220 до Поситано. 250 до Амалфи. Ви вели дека тоа е „државна тарифа“. Лаже.

Фиксната државна тарифа од аеродромот во Неапол е 55 евра, но само до центарот на Неапол.

Нема фиксна цена до брегот. Тие суми се измислуваат секој ден на лице место.

Шатл-автобусот Curreri Viaggi оди директно од аеродромот во Неапол до Соренто. 10 евра по лице. 75 минути. Поаѓа секој час.

Од Соренто потоа земате автобус или траект до хотелот. Пар заштедува 160 евра уште пред да се чекира.

Грешка 2

Брегот има бесплатни јавни чешми за пиење вода. Се викаат fontanelle или casette dell'acqua. Ги има во Амалфи, Соренто, Мајори - во секој град.

Водата е филтрирана, тестирана и студена. Италијанците секој ден ги полнат шишињата таму.

Туристите не знаат дека постојат.

Мало шише вода кај киоск близу споменик чини 3 евра. Во летните горештини пиете пет или шест шишиња дневно.

Семејство од четири лица може да потроши 60 до 70 евра дневно само на вода. За една недела, едно семејство потрошило 420 евра на пластични шишиња.

Шише за повеќекратна употреба чини 10 евра еднаш. Наполнете го во хотелот наутро и дополнувајте го на секоја fontanella во текот на денот.

Заштеда: 400 евра за седум дена.

Грешка 3

Обичен Aperol Spritz во нормален италијански бар чини 4 до 5 евра. Истиот пијалак, во истата чаша, на тераса во Поситано со поглед кон карпестите куќи, чини 16 до 22 евра. На Капри оди и до 30 евра.

Ниту еден Италијанец не плаќа 18 евра за spritz.

Го пиеме во локалниот бар каде што сопственикот нè знае по име и чини 4,50. Скапиот spritz е данок што туристите го плаќаат за фотографија.

Ако сакате и поглед и добра цена, купете spritz во бар една улица подалеку од шеталиштето и прошетајте до видиковецот.

Ист поглед. Ист пијалак. Четвртина од сметката.

Продолжува на следната страница...