Мостот на воздишките

Мостот на воздишките е еден од многуте мостови во градот на романтиката – Венеција. Легендата вели дека мостот го добил името по воздишките на...

 

...вљубените кои се бакнувале за време на залезот на сонцето.

Вистината е сепак малку поинаква и потажна.

Мостот е изграден во 17-тиот век со намена да ги поврзува стариот затвор, сместен во Дуждевата палата и новиот, одма преку реката.

Големиот англиски романтичар, Лорд Бајрон, ја популаризирал приказната дека прошетката по овој мост била последен поглед кон слободата за многу затвореници кои биле погубени и воздивнувале за последен пат гледајќи го надворешниот свет.

Но, во времето кога мостот е изграден инквизицијата веќе била минато. Сепак, многумина го поминале остатокот од животот во затвор па затоа и името на мостот не ја изгубило смислата.

Еден од ретките затвореници кои успеале да побегнат од строго чуваниот затвор, е славниот љубовник Казанова.

Интересно е дека постојат две копии на овој мост и тоа и двете во Англија. Едната е во Оксфорд, а другата во Кембриџ. Сепак ниту една копија не може да ја долови атмосферата од Венеција.