Зошто на одмор на Крф?

Ако се уште не го имате испланирано вашиот летен одмор, можеби би ви помогнале да се одлучите за еден од Јонските бисери – островот Крф. Овој остров е мозаик на историјата...

 

...од различните цивилизации и нации, како и периоди на владеење на  Византијци, Римјани, Французи, Руси, Англичани, па се до Италијанци и Германци во поновата историја.

Крф е островот кој успеал да го воодушеви античкиот јунак Одисеј со прекрасната природа. Раскошна убавина, спој на цивилизации, тиркизно море и прекрасни плажи.

Крф е најсеверниот остров на Јонскиот архипелаг и е втор по големина остров во Јонското море.

Островот изобилува со планински релјеф, бујна вегетација, долги златно песочни плажи, едни од најубавите грчки градови, многу традиционални села, Византиски цркви, повеќе музеи, импресивни венециски тврдини.

Кои места задолжително да ги посетите?

Кога сте на Крф задолжително е да имате автомобил или веспа бидејќи убавината на одморот на островот е во можноста да посетите различни места и плажи кои воодушевуваат.

1. Палеокастрица. Една од најубавите плажи со кристално тиркизно море и ситни камчиња.

Пред да се влезе во Палеокастрица сместено е местото Лаконес во областа Бела Виста, од каде имате поглед на прекрасна панорама на целата Палеокастрица

2. Сидари – местото каде се наоѓа каналот на вљубените.

Тука како никаде на друго место, ветерот и морето ги имаат изваено прекрасните карпи кои личат на еден вид статуи.

3. Глифада – ситен песок, преубаво море, можност и за денска забава во кафулињата покрај брегот.

4. Agios Gordios – тивка плажа каде може да се релаксирате и уживате во зеленилото наоколу и кристално сино море.

5. Крф – задолжително одвојте барем еден ден за да прошетате низ главниот град на Крф. Зрачи со посебна убавина и потсетува на италијанските гратчиња.

Ако сакате забава посетете ги Ипсос, Кавос (бидете внимателни, англичаните се насекаде и прават чуда) и главниот град - Крф.