Пред да отпатувате...

Еве мал список на работи кои треба да ги направите пред да се упатите кон избраната дестинација. Без разлика дали одите на одмор во некое далечно...

 

...туристичко место, или пак кај роднините во село, најверојатно и вие сте од тие луѓе кои на секои 5 минути проверуваат дали го земале пасоштот, или полначот за мобилниот телефон.

Што треба да направите пред да се упатите кон избраната дестинација?

Документите кои нема да ви бидат потребни за на пат (здравствена книшка ако патувате во странство, возачка дозвола или картиците кои немате намера да ги користите) немојте да ги носите со себе.

Известете ги вашите соседи дека одите на одмор и оставите им го вашиот број на кој ќе можат да ве добијат “за недај боже”.

Платете ги сите сметки кои ги имате, да не мора да се малтретирате уште првиот ден кога ќе се вратите од одмор со исклучен телефон, интернет, струја, кабловска и слично.

Оставете клучеви од вашиот дом кај вашите роднини, или пријатели и замолете ги повремено да го проверуваат. Исто така убаво е кога ќе се вратите од одмор да вас ве чека топла вода за да можете да се истуширате.

Исчистете го ладилникот и фрлете ја сета храна за која мислите дека може да се расипе. Проверете ја машината за перење алишта, за да случајно не ви останат некои алишта во неа.

Проверете дали сте ги затвориле сите прозорци. Проверете дали сте ги изгасиле сите светла, бојлер, шпорет, пегла...

Исклучете го телевизорот, компјутерот и останатите уреди од струја. Ставете му вода на цвеќето, фрлете го ѓубрето и...  може да тргнете и да уживате во одморот!