4 градови во Шведска кои вреди да се посетат, а не се Стокхолм и Гетеборг

Кога ќе се спомене Шведска веднаш на памет ни паѓаат градовите Стокхолм и Гетеборг, заборавајќи дека постојат уште еден куп градови вредни за посетување.

Сепак, десетте милиони Швеѓани добро се распределени на нивната територија и овозможува примамлива скандинавска перспектива. За нас Шведска претставува држава со висок стандард, мала стапка на невработеност, земја каде половина од нејзината површина е покриена со шума и поседува над 100.000 езера и 24.000 острови.

Во никој случај не треба да ги заборавам и викинзите, како едно од главните обележја на овој дел од светот. Оваа мирна држава, која не влегла во војна дури од 1814 година и заземала неутрални позиции секогаш ме мотивира да отседнам што е можно подолго и да се сладам со топчиња од месо, слушајќи ги нивните музички генијалци: ABBA и Europe.

Можеби, нам би ни пречело облачното време и сивилото што знае да се надвисне над луѓето, но човекот на сé се навикнува во животот. Затоа кога сонцето ќе изгрее забораваме на сé и слободно може да уживаме во моментот.

Во продолжение следува листа на градови кои би требало да ги посетите во Шведска доколку се најдете таму:

Упсала

Еден од најстарите градови во Шведска, кој денес претставува збирно место на студенти од целиот свет и ја поседува препознатливата Uppsala Domkyrka.

Хелсингборг

Град стар повеќе од 900 години, кој се наоѓа во близина на Малме и Копенхаген и кој во центар има 200 места со бесплатно Wi-Fi.

Вестерос

Во близина на Стокхолм, овој шведски град e познат по долгата велосипедска патека од 380 километри, град каде е основан модниот бренд H&M и каде има статуа од Исус изградена од 30.000 лего коцки.

Умео

Историски град каде во 1965 година е отворен петтиот најстар универзитет во Шведска, а универзитетската библиотека има над еден и пол милион книги. Ова е град, кој во 2014 година беше прогласен за Европска престолнина на културата.

Автор: Е. Х. | Црнобело