Со каков сувенир треба да се вратите од секоја земја што ќе ја посетите?

Многу често кога планираме патување, планираме кои места ќе ги посетиме, која храна ќе ја вкусиме и каква фотка за на Инстаграм ќе направиме. Сепак, забораваме на еден важен момент – споменот кој ќе го донесеме дома.

Факт е дека нема поубав спомен од доживувањето, но некои сувенири и ситници може засекогаш да ви ги будат тие доживувања и сеќавања.

Па, со каков сувенир треба да се вратите од Италија, а со каков од Тајланд?

Италија

Добро познатата комбинација на паста и вино е она без кое не смее да се вратите дома.

Во последно време, хит стануваат и украсните престилки со дезени.

Велика Британија

Ќесички и сетови за чај е она без што не смее да се вратите дома. Апсорбирајте ја традицијата преку пар шолји за чај.

Втора опција се и козметичките производи за бањање на природна база.

Поради променливата клима, во Велика Британија секој турист треба на себе да има марама која може да послужи за повеќе намени. Па, купете една прекрасна марама таму и зачувајте ја и за дома.

Франција

Франција е земјата на опојните мириси, па оттаму би требало да се вратите со оригинален, препознатлив парфем.

Солените карамели се необична ситница која нема да ве остави рамнодушни. Може и да ги подарите на блиските, па за момент да им ја пренесете француската атмосфера и кујна.

Calvados е бренди од јаболка кое традиционално се произведува во Франција. Па, ако повеќе сакате да потрошите пари на нешто вкусно, отколку на сувенир и магнет, ова е правиот избор.

Шведска

Дала коњчето е национален симбол на Шведска, па ако навистина сакате нешто оригинално – нема да погрешите со овој сувенир.

Во Шведска ќе најдете слатки, чоколади и десерти какви не сте ни знаеле дека постојат. На пример, Marabou е чоколадото со карамела и кикирики кое мора да го пробате, па и да понесете неколку за дома.

Шпанија

Уште една земја полна со вкусна храна и оригинална кујна, од која го издвојуваме месото кое е потопено во сол 21 дена, потоа сушено на суво место и по 18 месеци е подготвено за јадење. Jamon е името на овој специјалитет.

Вкусната паеља не можете да ја понесете дома, но можете да купите оригинална тава во која ќе го усовршите рецептот.

Мексико

Дезенираниот дрвен череп не делува воопшто морничаво доколку го донесете од Мексико. Тука е феномен што толку многу манифестации се поврзувани со овој симбол, па веќе не делува страшно, туку бесмртно.

Данска

Дрвените животни и креации се класичен дански дезен. Најистакнат е дрвениот мајмун.

Јапонија

Музичкиот инструмент и украс наречен furin може да биде направен од метал, глина, дрво, порцелан или стакло и го има во буквално секоја куќа во Јапонија. Па, зошто не би го имало и во вашата како спомен?

Maneki-neko - мачката со една поткрената шепа има посебно значење. Се верува дека привлекува среќа и просперитет.

Тајланд

Кокосовото масло од Тајланд е едно од најквалитетните во светот.

М. Д. | Црнобело