7 работи кои може да ве убијат на Исланд

Плажите со црн песок се магични, но ненадеен бран може да ве повлече кон ледено студената вода и острите карпи во секој миг. Последната во низата починати е Германка во 2017 година.

Природата во Исланд е магична, но таа е и многу опасна, па дури и смртоносна.

Многу туристи имаат починато на Исланд поради екстремните контрасти во природата и временските услови во оваа т.н. „земја на мраз и оган“.

Исланѓаните праќаат апел дека секој треба да ги исчита упатствата за безбедност пред да отпатува таму.

На што треба да внимавате во Исланд:

Смртоносни плажи

Многу плажи во Исланд се туристички атракции, особено црната Reynisfjara плажа. Ја посетуваат милиони туристи кои му се воодушевуваат на црниот песок, но и на огромните бранови од Северното Атлантско Море.

Но, овие бранови се екстремно непредвидливи и ледено студената вода може да ве преклопи за миг додека стоите на плажата. Во оваа област има многу големи остри карпи.

Речиси секој ден некој е зафатен од овие ненадејни бранови, но иако повеќе завршуваат со мокри чевли и облека или уништен фотоапарат, неколку луѓе имаат трагично починато.

Последниот случај е Германка во своите 50-ти години во јануари 2017 година, кога бран ја повлекол кон морето, а неколку часа подоцна телото ѝ било исфрлено на брегот.

Нестабилните глечери

Лагуната со глечери Jökulsárlón е импресивна и е рај за фотографите кога светлината се рефлектира од огромни ледници.

Во лагуната има луѓе кои одат по мразот, иако туристичките водичи советуваат да не се прави тоа. Некои одат по лебдечките ледници за да направат незаборавно селфи.

Дури и кога мразот ви изгледа дека е поврзан со копното и е безбеден за одење може да дојде до пукање и тој да се оддели, а тогаш постои опасност да се преврти и вие да завршите во неверојатно студената вода. Може да останете во неа само неколку минути пред да добиете хипотермија и да починете.

Исто така, иако лагуната изгледа мирна може лесно да завршите во морето.

Непредвидливото време

Во Исланд важи поговорката „Ако не ви се допаѓа времето, почекајте 5 минути“. Времето постојано се менува ненеадејно.

Може на исто место да се промени драстично за неколку секунди или да варира драстично од една до друга локација.

Од една страна може да има дожд, а од друга сонце. Што значи може да возите низ дожд, снег, сонце, ветер и магла во само еден час, па дури и во само неколку минути.

Никогаш не го потценувајте времето на Исланд. Особено моќниот ветер.

Ако ве зафати бура кога сте на отворено без засолниште во близина, може сериозно да настрадате. Затоа кога се оди на планинарење во Исланд мора да сте подготвени за секое време со слоеви и слоеви облека.

Најпопуларна рута за качување во Исланд е „Laugavegurinn“. Во 2004 година 25-годишен турист од Израел и покрај предупредувањата отишол лесно облечен на качување, јавил дека е изгубен во магла и е престудено. Со часови 70 луѓе го барале, но бил пронајден премрзнат до смрт.

Продолжува на следната страна...