„Го посетив инстаграмџискиот рај Чинкве Тере во Италија во време на корона - беше мирно“

Во местото каде има милиони посетители секоја година и застануваат огромен број на крузери, сега улиците се празни.

Кога ќе помислите на италијанското крајбрежје, сигурно прво на ум ви доаѓа местото Чинкве Тере.

Чинкве Тере – во превод значи пет земји, односно пет бајковити гратчиња Варнаца, Монтеросо, Манарола, Корнилија и Риомаѓоре.

Тие се обоени во пастелни бои, сместени на стрмна карпа и нудат неверојатен поглед кон тиркизното море. Ова дефинитивно е иконска дестинација за одмор.

Секое лето ова место е преполно со туристи, но годинава поради корона пандемијата ситуацијата е поинаква.

Алис Џонстон од Велика Британија одлучила да го посети ова место токму сега.

Таа патувала 3 часа со воз од Милано до Чинкве Тере. Вели дека таму имало многу малку случаи на корона, но мерките за претпазливост секаде се почитувале.

На плажите имало точно обележано место на кое може да седите, секаде имало средства за дезинфекција и плакати со препораки за внимателност.

Се мерело температура на посетителите и имало навистина малку туристи.

Алис вели дека ѝ се допаднало многу ова место, но дека нема желба да го посети кога ќе биде преполно со туристи.

Фотографии од патувањето на Алис:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело/фото извор: Insider