„Го испив највкусното турско кафе во манастирот Св. Никола Шишевски, а чичко Зоран ми раскажа за 32-те години минати таму“

Овојпат имав можност убаво да си поразговарам со чичко Зоран, кој веќе 32 години се грижи за овој 700 години стар манастир.

Кога ми кажа колку години има не можев да поверувам затоа што изгледа навистина фит и енергично за свои години и слободно ќе кажам дека тој е доказ дека работата го одржува човекот.

Домаќинот Зоран Ѓорѓиевски е роден на 26 јули 1963 година во селото Шишево, кое е на 4 ипол километри од манастирот. Роден е токму на денот на земјотресот. Тој е сопруг и татко на 2 ќерки, а работи и како домаќин во едно основно училиште во Скопје.

Манастирот пак кој тој го носи во срцето датира од 26 јуни 1336 година, почетокот на 14-иот век.

Во разговор чичко Зоран ми откри:

„Како домаќин на манастирот работам од 1989 година и сега во мај правам 32 години. Имам дадено заклетва кај Архиепископ Охридски и Македонски г.г. Гаврил и баш пред месец, два тука беше една негова внука и се изненади колку убаво е среден комплексот на манастирот.

Матка е матица на манастири, имало 36 манастири, но од тие само 6 се останати. Многу од нив биле запалени и срушени за време на турското владеење. Манастирот Свети Никола Шишевски е еден од оние зачуваните.

Кај црницата во дворот на манастирот некогаш имало библиотека и тука се држела литургија. Тука бил роден Свети Никола и живееле 8 семејства. Инаку, празник на манастирот е денот Свети Никола летен (22-ри мај).

Продолжува на следната страна...