Листа на чекање за влез во Ширакава – идилично село, дом на сламени покриви (фото)
Солидарноста е она што им помага на мештаните во ова уникатно мало место да ги надминат суровите зими.
Ширакава е село сместено на јапонските Алпи, а е популарно насекаде низ светот поради идиличната атмосфера што ја создаваат карактеристичните куќи со коси покриви.
Скриено помеѓу високи планини и густи шуми, освен по прекрасната природа, Ширакава е мошне карактеристично и по традиционалните куќи.
Тие се нарекуваат „гасо-зукури“, препознатливи по сламените покриви кои потсетуваат на склопени раце во молитва.
На секои 20 години, неопходно е да се замени сламата на покривите, па не е невообичаено да се видат Јапонците со полни раце работа со цел куќичките да ги издржат студените зими со многу врнежи.
Во раните 1990-ти, ова село од бајките беше впишано на списокот на светско наследство на УНЕСКО, што доведе до нагло зголемување на бројот на туристи. Малата рурална заедница со 1.600 жители, годишно пречекува околу 2,15 милиони туристи од целиот свет.
Меѓутоа, во 2019 година, властите одлучија да ги ограничат посетите со воведување листа на чекање за туристи. Веќе следната година, Ширакава повторно го разбуди интересот кога се најде на списокот на најбарани дестинации за посета во светот.
Покрај живеењето во хармонија со природата и избегнување на масовниот туризам, особено се пофалени строгите мерки за заштита од пожари во јапонското село.
Покрај тоа, во селото е забрането пушење за да се спречат несреќи.
Погледнете како изгледа јапонската идила Ширакава со сламени покриви, за која има листа на чекање за посета:
https://www.instagram.com/p/CYaaJaWlaQ2/
(О)Милена | Црнобело
Би можело да ве интересира:
Препорачуваме
Најчитани неделава
