Бев во Италија, ги посетив Венеција, Верона, Трст и Милано и не можам да одвојам фаворит – магични се

Првпат ја посетив Италија во 2018-та година. Бев на одмор на островот Сицилија, поточно во магичната Таормина. Сега ги посетив Венеција, Верона, Трст и Милано и Италија уште еднаш ми го украде срцето. Што ме воодушеви најмногу?

Првпат ја посетив Италија во 2018-та година. Бев на одмор на островот Сицилија. Во срцето, во Таормина, во едно од ретките места на кои би одела одново и одново. Ова гратче го нарекуваат бисерот на Сицилија, а има и зошто!

Сицилија 2018

Таормина е магична бајка со калдрма, а цела Сицилија е приказна за себе. Да, бев и во барот Вители во селото Савока, знаете каде пиеше кафе Вито Корлеоне од култниот филм „Кум“.

И нема да раскажувам понатаму, ќе си споменам само и за највкусниот сицилијански десерт каноли и за плоштадот во Таормина со совршена италијанска музика и луѓе што пијат Aперол шприц, танцуваат и знаат како се сака животот и како се ужива во него.

Сицилија 2018

Сега, посетив друг дел од Италија. По вторпат таму, но подеднакво маѓепсана како и првиот пат.

Зошто?

Затоа што во Трст ги видов најпрекрасните луѓе од сите генерации со совршен моден стил. Излезени како од модно списание во буквална смисла на зборот.

Овој мал, но совршен приморски град ми приреди уживање во изложба со автомобили олд тајмери, но и препознатливиот италијански пијалак Aперол шприц во локали кои дишат со префинетост, се разбира, послужен со мезе и насмевка.

Верона ме освои со калдрмата, тесните улички, архитектурата која раскажува приказни стари илјадници години, како и романсата на култните Ромео и Јулија и сите обележја за нив.

Динамиката на градот ја почувствував и поради маратонот, кој се одржа токму во тој миг, и сета енергија сервирана на едно место.

Продолжува на следната страна...