Викенд предлог: На чист воздух на Пониква


Викенд предлог: На чист воздух на Пониква

Пониква е туристички центар и викенд населба во источна Македонија, 20 km северно од Кочани на Осоговските Планини.

vikend-predlog-na-cist-vozduh-na-ponikva-01

На самиот влез на туристичкиот центар Пониква се наоѓа мал спортски аеродром кој некогаш се користел за воени цели. Околу паркинг-просторот, се наоѓаат неколку угостителски објекти во кои може да уживате во вкусни домашни традиционални специјалитети.

Штом пристигнете ќе забележите и два активни ски-лифта, каде што љубителите на скијањето и зимските спортови може да уживаат деноноќно, доколку Пониква ја одберете како зимска дестинација.  

Нека не ве изненадат дебелите слоеви на снег, затоа што на планините што просечно се повисоки од 1.500 м снегот се задржува по речиси шест месеци во годината, а честопати повеќе месеци се задржува снежна покривка од барем триесетина сантиметри.

За љубителите на планинарењето, на само 16 километри се наоѓа и планинскиот врв „Царев Врв“, до кој може да се стигне со теренско возило или со искачување.

Пониква се препорачува заради нејзините природни богатства, чистиот амбиент и воздух, како и поволната клима од која позитивно ќе бидат изненадени сите посетители кои сакаат да уживаат во нови, недопрени, планински убавини.

Осоговските планини се познати како здрава воздушна бања, па затоа и Пониква се препорачува на сите оние кои сакаат да ги наполнат градите со свеж воздух и да се одморат од градските гужви барем на неколку дена.

Повеќе информации за Пониква можете да најдете на следниот линк: www.ponikva.mk.
Фото: http://www.ponikva.mk/gallery.php

Би можело да ве интересира:

10 евтини и забавни активности кои може да ги правите сами за време на викендите Викендите се исклучиво резервирани за полнење на батериите, па ако обожавате тоа...
И овој викенд да испробаме нешто ново Eве, ни се ближи лето, период во кој сите очекуваме да се случи нешто поразлично...
Евгениј Хоуп препорачува дестинации низ Македонија за последниот викенд од октомври Скоро секој ден отворам временска прогноза и проверувам до кога ќе имаме пристој...

Најчитани неделава

sonovnik-sidebar.jpg