Душан Благојевиќ: „Во бракот биди ти оној што останува - не затоа што е лесно, туку затоа што си ветил“

„Бракот е светост во која двајца несовршени влегуваат со вера дека ќе растат заедно. Не е совршенство, туку одлука да останеш верен на она што си го избрал и кога не е лесно и кога ќе се изгуби сјајот, но ќе остане заветот...“

Мотивацискиот говорник Душан Благојевиќ од Србија на својот Инстаграм профил, каде има повеќе од 253.000 следбеници, постојано споделува мудри мисли, а сега го сподели својот став на тема брак.

Душан вели:

„Бракот не е награда за оние што пронашле совршен човек.

Бракот е светост во која двајца несовршени влегуваат со вера дека ќе растат заедно.

Затоа што бракот не е избор на совршенство, туку одлука да останеш верен на она што си го избрал и кога не е лесно, и кога не чувствуваш исто, и кога ќе се изгуби сјајот, но ќе остане заветот.

Свети Јован Златоуст вели:

„Не постои ништо посилно од маж и жена кои се побожни и прилепени еден кон друг како едно тело, како да се едно битие...“

Во време кое сè мери преку допадливост, моментално чувство и лична корист, бракот станува реткост.

Затоа што бара нешто што светот не го сака - посветеност, простување, понизност, секојдневно умирање на себе.

Психолошки гледано, бракот е најдлабокото огледало во кое ги гледаме и нашите доблести и нашите рани.

Духовно гледано, бракот е крст, но и пат кон спасение.

Не затоа што е лесен, туку затоа што нè учи како да сакаме како Христос - несебично, тивко, до крај.

Затоа не барај го оној кој никогаш нема да те повреди.
Барај го оној кој со тебе ќе знае да се покае, да се врати, да остане.

И биди ти оној што останува - не затоа што е лесно, туку затоа што си ветил.

Ако оваа порака те потсети што навистина е бракот, зачувај ја во срцето.
А ако знаеш некој што се двоуми, се сомнева или бара смисла - сподели му ја, зачувај ја или остави трага во коментар.

Ти благодарам на вниманието, ти благодарам што си тука,
Твој Душан“.

С. С. | Црнобело