Текст кој треба да го прочитате пред да се тетовирате

Некогаш се тетовирале претежно морнари и војници. Денес се тетовираат сите. И тоа не само откачени личности со авантуристички дух, туку и останатите поповлечени луѓе кои сакаат да го украсат своето тело со некој важен датум, букви или фотографија.

Многу истражувања покажале дека повеќето мажи се определуваат за тетовирање, но и припадниците на понежниот пол не заостанува многу.

Исто така, резултатите покажуваат дека 86 % од испитаниците никогаш не се покајале поради тетоважата. Но има и такви, 14 % кои се покајале.

За среќа денес можат да се отстранат тетоважите кои не ги сакате, но тој процес сè уште е болен и скап.

Потребно е внимателно да пристапите на тетовирањето бидејќи тоа е нешто што треба да го носите на себе цел живот, па затоа не треба само слепо да ги следите трендовите.

Ова се најчестите типови тетоважи кои луѓето ги отстрануваат во ординациите специјализирани за тоа.

1. Најмногу се отстрануваат имиња. Тоа се имиња на бивши љубовници и партнери. А во оваа група спаѓаат и тетовираните бурми, во замена за прстени.

2. Се отстрануваат и бесмислени цртежи кои не знаат ни зошто воопшто некогаш ги одбрале и немаат никакво значење.

3. Голем број луѓе ги отстрануваат тетоважите од видливите места, како што се вратот, дланките и подлактиците. Причините за тоа најчесто е работата во некои компании каде има одреден кодекс за изгледот и не се дозволени тетоважи.

4. Некои бои се полесни, а некои потешки за отстранување со ласер. Најтешко се вадат оние кои се поблиски со нијансата до тенот на кожата, а тоа се најчесто жолтата, беж и кафена. Следуваат црвената, зелената и сината, а црната е боја која најлесно се отстранува со ласерот.

Ако се подготвувате за тетовирање можеби е најдобро овие работи да ги знаете.

Но, најважно е да внимавате што и каде тетовирате. Размислете добро, а не само во моентот на трендот, бидејќи тетоважата е животен белег на кој треба да сте горди, а не моден тренд од кој ќе се срамите.