Навики кои дебелеат

Девојчињата и младите девојки кои посветуваат премногу време на Интернет, спијат малку или редовно пијат алкохол, се повеќе склони кон дебелеење.

 

Според истражувањето спроведено на 5.000 девојки од 14 до 21 годишна возраст за период од една година, било откриено дека колку повеќе време поминувале пред компјутер, за толку пораснал нивниот индекс на дебелина.

Слични резултати се добиле и за испитувањата на внесеното количеството алкохол и спиењето. Недоволното спиење се покажало како највлијателно врз тежината во однос на висината.

Набљудувањата се базирале врз основа на тоа колку часа од слободното време тинејџерките поминувале на Интернет, наместо на физичка активност.

Гледано во целина, најмногу часа пред компјутер, чиј ризик за дебелина значително пораснал, поминувале девојчињата помлади од 18 години.

Неспиењето може да предизвика умор и неспособност за исполнување на обврските во текот на денот. Недостатокот на сон исто така влијае врз хормоните и метаболизмот така што делува на тежината.

Оние кои спиеле по 5 или помалку часа дневно, се здебелиле за 2 килограми повеќе за разлика од оние кои спиеле 8 часа.

Иако ова не е значајна промена на килограмите, во иднина би можело да предизвика сериозни нарушувања врз телесната тежина.

Истото се покажало и кај оние кои пиеле повеќе од два пати во неделата, бидејќи многу често се занемарува фактот дека алкохолот содржи значително количество калории.