Кафе против алцхајмер

Произведувачите на кафе сигурно сега ќе бидат задоволни од вестите кои ги донесува едно истржаување од Флорида во САД кое открива дека...

... конзумирањето на 5 шољи на кафе дневно може да помогне при избегнување на проблеми со памтењето, исто така внесувањето на кофеин може да помогне и при создавањето на протеини во вашиот организам.

Исто така, истражувањето покажало дека конзумирањето на кафе може да има позитивни дејствија со борбата со некои болести во медицински состојби како што е и мозочниот удар.

За ова истражување била користена група од 55 глувци кај кои им била предизвикана Алцхајмерова болест. Истражувачите најпрво направиле серија на тестови преку кој би виделе дали глувците ќе покажат знаци во проблемите со памтењето.

Тестовите биле извршени на глувци стари од 18 до 19 месеци што е еквивалент на луѓе од 70 години. Половина од глувците добиле вода во која бил вбризган кофеин а половина без него.

После 2 месеци глувците кои добиле кофеин покажале 50% помалку бета-амилоид, протеин во мозокот кој е одговорен за уништувањето на на мозочните клетки кај Алцхајмеровата болест.

Понатамошните тестови покажале како кофеинот влијае на производството на ензими кои се потребни за производство на бета-амилоид.

Претходни тестови исто така покажале како помладите глувци кои биле тестирани биле поштедени од оштетувањето на нивниот мозок.

Овие сите податоци не значат дека луѓето треба да почнат да внесуваат големи количини на кофеин, ова истражување би можело да биде корисно во борбата против Алцхајмеровата болест.