Витамин Ц е лек - да или не?

Во време кога деновите стануваат се пократки, а температурите се пониски, ни стигнуваат и првите “зимски” болести, настинка и грип.

 

Многу луѓе превентивно зимаат витамин Ц, но во последно време научниците тврдат дека тој витамин и не помага многу.

Во студијата на германските научници од “Институтот за квалитет и ефикасност во лечењето“, јасно стои колку е важно да се одвојат митовите од фактите.

Витаминот Ц, според студијата, може да ја зголеми отпорноста на организмот, но од настинка повеќе може да ве заштити миењето на рацете со обичен сапун.

“Ако ви е суво грлото, а носот ви тече, тоа е знак на вирусна инфекција. Тогаш е доцна за витамин Ц. Подобро често мијте ги рацете, не се допирајте по лицето и одржувајте хигиена. На тој начин побрзо ќе оздравите, отколку консумирање на поголеми количини на витамин Ц” тврди еден од авторите на студијата и директор на Институтот, Peter Sawicki.

Витаминот Ц својата “светска слава” ја должи на хемичарот Linus Pauling, добитник на Нобелова награда и автор на книгата “Витаминот Ц и обичната настинка” од 1970 година.

Според таа книга, луѓето би требал дневно на консумираат 1000 милиграми витамин Ц, додека препорачана е дневна доза од 60 милиграми колку што содржи една чаша сок од портокал.“