11 „факти“ за стресот во кои не би требало да верувате

Стресот е ист кај сите

Како и сите ментални проблеми, стресот не се манифестира исто кај секој.

Без разлика дали сте загрижени за пари, кариера, врски или обично излегување, вие, како и сите останати, имате уникатни „активирачи“ на стресот.

Истовремено, секој реагира на стресот на различен начин – некои луѓе стануваат емотивни, некои гневни, а кај некои се јавува комбинација од двете.

Стресот е одличен мотиватор

Сигурно досега сте слушнале дека стресот е одличен начин да се мотивирате. Но, наводно, мотивацијата од стресот е само привремена.

Според некои истражувања, најдобрите мотиватор се внатрешните фактори, како желбата за успех, а не надворешните, како стресот.

Поставувањето цели, правењето план за нивно постигнување и „туркањето“ да ја постигнете целта се одлични мотиватори, но се сосема поразлични од стресот.

Стресот е добар за вас

Благиот стрес во одредени ситуации навистина може да биде добар за вас. На пример, доколку треба да држите говор, благиот стрес ќе ви даде енергија и ќе ве направи повнимателни.

Но, кога стресот станува хроничен и почнува да влијаат врз вашиот живот, време е да побарате помош.

Стресот е неизбежен

Факт е дека сè во животот е непредвидливо, но ова не значи дека сме осудени на стрес само затоа што сме живи.

Ова значи дека ако научите како да се справувате со стресните и непредвидливите ситуации, така што ќе немаат големо влијание врз вас, можете речиси целосно да го избегнете стресот.

Стресот е избор

Одредени животни избори можат да бидат причина за стрес, но ова не значи дека стресот бил вашиот избор.

Доколку сте под стрес, немојте да се обвинувате самите. Подобро најдете што е причината за вашата состојба и почнете да работите на тоа.

Стресот не може да се лекува

Вистина е дека нема универзален лек за стресот. Истовремено, доколку страдате од хроничен стрес, можеби ќе ви треба подолго да закрепнете. Но, дури и луѓето со хроничен стрес можат повторно да застанат на нозе.

Доколку чувствувате дека стресот има навистина лошо влијание врз вашиот живот, добро би било да се консултирате со експерт. Нема ништо срамно во тоа да побарате помош - како што одите на лекар за настинка или грип, можете да одите и кај терапевт за проблеми со менталното здравје. 

Спирова С. | Црнобело