11 „факти“ за стресот во кои не би требало да верувате

Очигледно, луѓето знаат многу малку за стресот. Проблемот е што со ова незнаење, си го загрозуваат сопственото здравје.

Колку честа појава е стресот, колку опасен може да биде и дали сами можете да се справите со него се само некои од работите за кои луѓето имаат малку познавање.

Зборот „стрес“ често се спомнува во секојдневниот разговор, но ретко кога помислуваме дека може да биде сериозен здравствен проблем. И всушност, луѓето се изложени на многу повеќе стресот отколку што мислат.

Истражување од 2019-та покажало дека иако нивото на стрес се нема променето изминативе неколку години, Американците чувствувале стрес за повеќе работи за разлика од минатото. Ова веројатно важи за луѓето во сите развиени држави.

Притоа, дури половина од испитаниците изјавиле дека би сакале некаков вид поддршка во секојдневието.

Затоа, добро би било да знаете кои се „фактите“ за стресот во кои не би требало да верувате:

Ако го игнорирате стресот, ќе „си замине“

Многу луѓе веруваат дека ако го игнорираат стресот, тој сам по себе ќе исчезне. Но, ова е штетно и за физичкото, и за менталното здравје.

Интензивниот стрес некогаш може да биде причина дури и за проблеми со срцето, спиењето, расположението, а некогаш предизвикува и дебелеење.

Психологот Џесика Ролфинг Приор најдобро го опишала ова:

„Често им велам на моите пациенти дека потиснувањето на стресот е како да ставате вода во картонска кутија – кога-тогаш ќе истече.“

Можете да го надминете стресот само со вашата волја

Ако некому сте се пожалиле за стресот што го чувствувате, голема е веројатноста дека ве „утешил“ со зборовите „Прибери се“ или „Заборави на тоа“.

Но, стресот не е нешто што можете да го заборавите.

Мора да најдете здрави начини за справување со стресот, но и да направите некои животи промени со кои ќе го намалите нивото на стрес.

Стресот е само во вашата глава

Друга голема заблуда за стресот е дека има влијание само врз менталното здравје.

Стресот е тесно поврзан со менталното здравје на два начина – може да ги влоши постоечките ментални проблеми, или да биде предизвикан од веќе постоечки ментални проблеми, како анксиозност или депресија. Но, како ова да не е доволно, стресот влијае и врз физичкото здравје.

Болка во мускулите, вртоглавица, „ѕвонење“ во ушите, нервозно тресење – сето ова се симптоми што можат да бидат предизвикани од интензивен стрес.

Можете да го одложите справувањето со стресот

Стресот нема да чека. Ако не најдете начин веднаш да се справите со него, тој само ќе се влошува.

Како што напоменавме, важно е да ги направите потребните животни промени кои ќе го направат животот помалку стресен, а секогаш кога ќе почувствувате дека сте под многу стрес, што е можно побрзо тргнете се од стресната ситуација и обидете се да се релаксирате.

Стресот нема влијание врз мисловниот процес

Луѓето дефинитивно го потценуваат влијанието на стресот.

Иако стресот не е психијатриска дијагноза, може да предизвика искривено или параноично размислување, особено кај личности склони кон ментални нарушувања.

Продолжува на следната страница...