Шест работи што никако не треба да ги чистите со средство за садови

Без разлика дали станува збор за чевли, јакна или, пак, гарнитура, кожата е материјал што никогаш не треба да ја чистите со средство за садови.

Само затоа што е погодно за садови, не значи дека ова е средство што можете да го користите за сè.

Средството за садови има состојки кои можат да бидат премногу агресивни за одредени површини и да ги оштетат.

Па, што не треба да чистите со него?

Кожа

Без разлика дали станува збор за чевли, јакна или, пак, гарнитура, кожата е материјал што никогаш не треба да ја чистите со средство за садови.

Овој продукт е премногу агресивен и може да ја оштети. Зa овој материјал, секогаш користете соодветни средства за чистење кожа.

Дрвени подови

Ако имате ламинат или нешто слично, слободно можете да го исчистите со средство за садови, но разредено.

Сепак, ова не е најпогодно ако имате подови направени од дрво, особено не во големи количини бидејќи подовите побрзо ќе се оштетат.

Ако во моментот сепак немате соодветно средство, во ред е да искористите средство за садови, но ставете неколку капки во голема количина вода, за да го разредите што е можно повеќе.

Свила

Свилата е деликатен материјал, па важно е да избегнувате да ја чистите со премногу агресивни средства, како она за садови.

Бидејќи лесно може да се оштети, за свилата е подобро да најдете и соодветен детергент.

Тави од лиено железо

Навистина е важно како ја миете тавата од лиено железо бидејќи многу лесно може да се оштети.

Овие тави никогаш не треба да се мијат со средство за садови бидејќи ќе им го оштети горниот слој.

А, штом ќе почне да се лупи, тавата е неупотреблива.

Автомобил

Ако го миете автомобилот во двор, можеби имате навика да користите средство за садови.

Но, со ова го уништувате заштитниот слој, па набрзо бојата ќе почне да се лупи.

За автомобилот секогаш е подобро да користите соодветно средство, за да го избегнете скапото префарбување.

Машина за садови или облека

Без разлика што средството за садови се користи за садови, не треба да го користите во машината.

Формулата на средството за машина е сосема поразлична и не треба да експериментирате.

Средствата за рачно миење садови прават многу пена и можат да се акумулираат во машината и да ја расипат.

Истото важи и за машината за облека – никогаш немојте да ставате средство за садови за да ја исчистите.

Спирова С. | Црнобело