Чести грешки со кои ги уништувате кујнските ножеви (и си го отежнувате готвењето)

Отворате кутии пратки со ножевите за храна, ги чувате на купче во фиока и заборавате да ги наострите.

Освен ако не сте страстен (или професионален) готвач, веројатно не обрнувате многу внимание на кујнските ножеви.

Но, ако сакате да ви траат подолго, како и да си ја олесните работата во кујна, треба да избегнувате некои грешки.

Дел од најчестите во продолжение:

Ги користите за отворање кутии и пратки

Ако ги користите ножевите за отворање кутии и пратки, брзо ќе ги оштетите.

Покрај тоа, дел од лепилото може да остане на нив и ако не го исчистите добро, да заврши и на вашата храна.

Наједноставно е да отворате кутии и пратки со скалпел или ножици.

Ги миете во машина за садови

Најдобро е да избегнувате да ги миете ножевите во машината за садови.

Од млазот вода во машината, постои голема веројатност да се удираат со другиот прибор и другите садови, а ова може да ги поткрши и побрзо да ги истапи.

Најдобро е да ги миете рачно, веднаш кога ќе завршите со сечење – ќе ви треба помалку од една минута.

Ги чувате во фиока

Ако ги чувате ножевите „на купче“ во фиока, исто така може да се поткршат и да се оштетат бидејќи се удираат едни од други со секое отворање и затворање.

Многу подобро е да ги чувате на магнетен држач кој се закачува на ѕидот, или на дрвен држач кој може да ви стои на работната маса.

Продолжува на следната страница...