Зошто никогаш не треба да ги оставате чевлите низ домот и да шетате наоколу со нив?

Сосема е вообичаено кога ќе си дојдете дома од некаде, барем во ходникот да влезете со чевли, па таму да ги соблечете и оставите.

Има и такви кои се послободни, па знаат и да прошетаат низ домот со чевли додека се раскомотат и мислат дека не е ништо страшно ако се направат неколку чекори наоколу.

Освен ако не газеле во кал и надворешно чевлите не изгледаат валкано, повеќето сметаат дека им се прилично чисти.

Но, вусшност, на чевлите има многу бактерии и според истражувањата, голем дел доаѓаат во контакт со фекалии, па многу нечистотии не остануваат на дното на чевлите, туку низ вашиот дом!

Затоа, некои луѓе практикуваат чевлите да ги соблечат пред врата, па без нив да влезат во домот, а веднаш да ги остават на место во затворено шкафче.

Во продолжение погледнете кои се најсериозните невидливи причини заради кои не треба да ги носите чевлите низ дома:

Бактерии

Бактериите „обожаваат“ чевли и налетувате на нив речиси насекаде во текот на денот – измет од птици, јавните тоалети и течноста на подот, измет од куче – сите овие се извор на лоши бактерии, а ако влезете во домот со чевли, ќе се пренесат и таму.

Хемикалии и токсини

Кога шетате во природа, исто така газите на хемикалии за трева, отрови, антифриз и други хемикалии кои се нашле на патот.

Сите тие отрови остануваат на вашите чевли, а кога ќе влезе дома, ги разнесувате насекаде.

Микроскопски бубачки и грини

Во контакт со земја и растенија, на чевлите може да се налепат малечки микроскопски штетници, како бубачки и грини, кои вие не ги ни забележувате, но постојат во природата.

Нечистотија и кал

Секако, покрај невидливите бактерии, токсини и бубачки, една повпечатлива причина заради која не треба да ги носите чевлите дома се нечистотијата и калта.

Исчистете ги прво чевлите надвор, па потоа внесете ги директно во шкафче.

Вода

Доколку чевлите ви биле целосно намокрени и влезете дома со нив, може да ја разнесете насекаде  или ако оставите да се цедат внатре, да го оштетат подот.

Одењето боси е добро за вас

Покрај многуте лоши причини заради кои треба веднаш да ги соблекувате чевлите, има и добра причина зошто треба да го правите тоа.

Всушност, одењето бос понекогаш им помага на стапалата да бидат поцврсти и здрави и секако, помага да се релаксирате.

Како да го одржувате домот без стапки од чевли насекаде:

• Соблекувајте ги секојпат пред да влезете и ставајте ги на место
• Кога ќе се облечете пред да излезете, не се шетајте наоколу со чевли додека да се спакувате целосно – облекувајте ги чевлите пред да излезете од врата
• Терајте ги и гостите да ги соблекуваат веднаш чевлите кога ќе влезат
• За да биде очигледно дека чевлите се соблекуваат, набавете чергиче веднаш до вратата за таму сите да ги оставаат или ставете полици
• Чистете ги редовно чевлите

М. М. | Црнобело