9 домаќински трикови од нашите баби што ќе ви се најдат и денес

Наместо да правите една генералка и да чистите сè одеднаш, направете неколку помали во текот на годината. На пример, во пролет исперете ги теписите, во лето темелно исчистете ги прозорците, а во зима средете ги гардероберите и ослободете се од облеката што не ја носите.

Нашите баби немале безброј средства, апарати и што уште не што ќе им помагаат во домашните обврски. Па, морале да бидат снаодливи за да си ја олеснат работата.

Но, само затоа што некои трикови ги користеле пред половина век и повеќе, не значи дека не се ефикасни и денес.

Девет домаќински трикови од нашите баби што сигурно ќе ви се најдат:

Правете сезонско чистење на домот

За да не правите генералка на целиот дом одеднаш, подобро е да направите неколку сезонски во текот на годината.

На пример, можете да си направите распоред сличен на овој:

• Пролет – исперете ги теписите и фрлете ги непотребните предмети од домот
• Лето – темелно исчистете ги прозорците, а ако живеете во куќа, исчистете го и целиот екстериер
• Есен – темелно исчистете ја гарнитурата, масите, столовите и исчистете ги оџакот и шпоретот, климата или грејните тела што ги користите во зима
• Зима – темелно исчистете ги душеците, перниците и гардероберите и ослободете се од облеката што не ја носите

Искористете стара облека како крпи

Ако имате оштетена и искината облека која не е погодна за носење, тогаш претворете ја во крпи за бришење.

Овие крпи може да ви се најдат за сè, особено за многу валкани работи за кои не сакате да си ги уништувате поубавите крпи.

Освежете го дрвениот мебел со восок за чевли

Безбојниот восок за чевли може да ви помогне да го освежите дрвениот мебел бидејќи може да ги скрие и оштетените делови.

Најдобро е да го користите за ногарки и делови од мебелот кои не ги допирате со раце.

Отстранете восок од свеќа со мраз

Ако ви се истури восок на подот или на мебелот, можете да го отстраните со мраз.

Во ќеса ставете коцки мраз, па држете ја врз восокот. Тој брзо ќе се стврдне, па лесно ќе го извадите.

Продолжува на следната страница...